Gula Rojhilat im

Gula baxê bihişta rojhilatim.
Di tarîya şevê rojim hilatim.

Ji nav singa demê pişkîme îro,
Di tarîxê fireh hatim, Feratim.

Hemî jînim, dixwazim xweş vejînim,
Hezar û nehsedî şîn bûme katim.

Birûskim, pir çirûsk û hewr û tavan
Bi himhim têm, ji ezmanê welatim,

Lehîme ez di ser hev re diborim.
Dixwazim nû bikim rêz û civatim.

Birûsk û pêt û ar kevne sojim,
Ji pût û lat û lahût re şewatim.

Disojim lê dikim ronî şeva reþ
Çira kora ye ev kar û xebatin,

Di vê rê de ez dicim lê seg diqorin.
Fidakarim li ser rêça felatim.

Dixwazim ez di ser hev re bifûrim,
Xebatim, şorişim, xweş kêferatim.

Cîhan tev de wekî pingav û derya
Tenê jê re wekî cok û qenatim.

Bi daxwazim ko serbestî dixwazim serbilindî.
Ji milet re di vê şabatê hatim.

Eklenme: 21-07-2007
Şair: Cigerxwin
Gönderen Uye: HakaN
Hit: 1
[ Geri dön | Yorum Ekle | Sevdiklerinize gönderin | Yazdırın ]