Sibe

Rojhilat bi rengê zêr û zîv e
Kosret li ser mijê ye, sifarî ye
Duh ji berfê sîstir bû mij
Îro xweliya êgir e, risasî ye
Çile ye, lê wek demek ji biharê
Erd nerm e, hewa nerm e, sibeheke aşitî ye
Dîk bang dike, dû bi ser kulekan ket
Li jêr xule-xula avê, çavkanî ye
Çivîk dixwînin, lê gol bêdeng e
Hîn di xewnên şevê da ye, zîvînî ye
Rojê lê da, pelên şevnemî diçirisin
Zevî şîn bûne, keskezer û çîmanî ye
Bayekî sivik dilîze bi pelên dara bîyê
Dem çû, êdî zerşîn û şerabî ye
Duguhure dem bi dem, deqqe bi deqqe
Wek rojên payîzê ne, heryêk yêke dî ye
Binêr nuha jî dûmaneke tozpembe
Lê ew jî çû, çiya reng bi reng in û ezman binewşî ye

Çileyê Pêşîn, 1994

Eklenme: 21-07-2007
Şair: Kemal Burkay
Gönderen Uye: HakaN
Hit: 4
[ Geri dön | Yorum Ekle | Sevdiklerinize gönderin | Yazdırın ]